குறைந்த விலை லேப்டாப்: ஹெச்சிஎல் அறிமுகம்

இந்திய சந்தைகளில் குறைந்த விலை மடிக்கணினிகளை (லேப்-டாப்) அறிமுக்கப்படுத்தும் நடவடிக்கையில் ஹெச்சிஎல் இன்ஃபோசிஸ்டம் நிறுவனம் களமிறங்கியுள்ளது.

கணினி தயாரிப்பு நிறுவனங்கள் குறைந்த விலை தனிநபர் கணினி விற்பனை சந்தையில் குறிப்பிடத்தக்க வெற்றியை சந்தித்துள்ள நிலையில், குறைந்த விலை மடிக்கணினி தயாரிப்பிலும் அடுத்த கட்டமாக இறங்கியுள்ளன.

இதன் ஒருபகுதியாக ஹெச்சிஎல் நிறுவனமும், மைக்ரோசாப்ட் கார்ப்ரேஷனுடன் இணைந்து குறைந்த விலை மடிக்கணினிகளை அறிமுகப்படுத்தி உள்ளது.

இந்தியாவில் கணினி விற்பனை சந்தை அபரிமித வளர்ச்சியடைய உள்ளதாக தெரிவித்த ஹெச்சிஎல் இன்ஃபோசிஸ்டம் தலைவர் அஜய் சவுத்ரி, குறைந்த விலை கணினியை அறிமுகம் செய்வதன் மூலம் இத்துறையில் ஹெச்சிஎல் குறிப்பிடத்தக்க வளர்ச்சியடையும் எனக் கூறினார்.

மைக்ரோசாப்ட் விண்டோஸ் ஆபரேட்டிங் சிஸ்டத்தை உள்ளடக்கிய ஹெச்சிஎல் மைலீப் (Mileap) வகை மடிக்கணினிகளின் விலை ரூ.16,990 ஆக நிர்ணயிக்கப்பட்டுள்ளதாக அந்நிறுவனம் தெரிவித்துள்ளது.