கதை தயார்; தனுஷ் டைரக்டு செய்கிறார்

தனது அண்ணன் இயக்கத்தில் அறிமுகமாகி தற்போது முன்னணி இளம் ஹீரோவாகத் திகழும் தனுஷ், அடுத்த ஆண்டில் ஒரு படத்தை இயக்க திட்டமிட்டுள்ளார்.

தற்போது சுராஜ் இயக்கும் `படிக்காதவன்' படத்தில் நடித்து வருகிறார். படப்பிடிப்புக்கு நடுவே பேட்டியளித்த தனுஷ், தாம் இயக்கவிருக்கும் படத்திற்கான கதையை தயார் செய்து விட்டதாகத் தெரிவித்தார்.

சரி. படத்தில் நீங்களே கதாநாயகனா? என்று கேட்டால், ஊஹூம், வேறு ஒருவரை கதாநாயகனாக நடிக்க வைக்க உள்ளாராம்.

அப்படி வேறு கதாநாயகன் கிடைக்காதபட்சத்தில் தனுஷே நடிப்பாராம்.

படத்தை டைரக்டு செய்யவேண்டும் என்று திடீரென்று முடிவெடுக்கவில்லை. கடந்த சில ஆண்டுகளாகவே தனக்குள் டைரக்‌ஷன் ஆசை இருந்து வந்ததாகவும், உரிய நேரம் எடுத்துக் கொண்டு இயக்க வேண்டும் என்பதற்காகவே காத்திருந்ததாகவும் தனுஷ் தெரிவிக்கிறார்.