டிச‌ம்ப‌ர் 24‌க்கு‌ப் ‌பிறகு பெ‌ட்ரோ‌ல், டீச‌ல் ‌விலை குறையு‌ம்: முர‌ளி ‌தியோரா!

ஆறு மா‌நில‌ ச‌ட்ட‌ப் பேரவை‌த் த‌ே‌ர்த‌ல் ப‌ணிக‌ள் முடி‌ந்தவுட‌ன், டிச‌ம்ப‌ர் 24ஆ‌ம் தே‌தி‌க்கு‌ப் ‌பிறகு வே‌ண்டுமானா‌ல், பெ‌ட்ரோ‌ல், டீச‌ல் உ‌ள்‌ளி‌ட்ட எ‌ரிபொரு‌ட்க‌ளி‌ன் ‌விலைகளை‌க் குறை‌ப்பது கு‌றி‌த்து ம‌த்‌திய அரசு முடிவு செ‌ய்ய‌க்கூடு‌ம் எ‌ன்று பெ‌ட்ரோ‌லிய அமை‌ச்ச‌ர் முர‌ளி ‌தியோரா கூ‌றியு‌ள்ளா‌ர்.

ச‌ர்வதேச‌ச் ச‌ந்தை‌யி‌ல் க‌ச்சா எ‌‌ண்ணெ‌ய் ‌விலை பேர‌ல் ஒ‌ன்று‌க்கு 50 டால‌ர்களு‌க்கு‌ம் ‌கீ‌ழ் குறை‌ந்து‌ள்ள ‌நிலை‌யி‌ல், பெ‌ட்ரோ‌ல், டீச‌ல் உ‌ள்‌ளி‌ட்ட எ‌ரிபொரு‌ட்க‌ளி‌ன் ‌விலைகளை‌க் குறை‌க்காதது ஏ‌ன் எ‌ன்று இடதுசா‌ரிக‌ள், பா.ஜ.க. உ‌‌ள்‌ளி‌ட்ட ப‌ல்வேறு க‌ட்‌சிகளு‌ம் கே‌ள்‌வி எழு‌‌ப்‌பியு‌ள்ளன.

க‌ச்சா எ‌ண்ணெ‌ய் ‌விலை பேர‌ல் ஒ‌ன்‌று 147 டாலரு‌க்கு‌ம் மே‌ல் இரு‌ந்தபோது 10 ‌விழு‌க்கா‌டு வரை உய‌ர்‌த்த‌ப்ப‌ட்ட எ‌ரிபொரு‌‌ள் ‌விலையை உடனடியாக‌க் குறை‌க்க வே‌ண்டு‌ம் எ‌ன்று வ‌‌லியுறு‌த்‌தி டிச‌ம்ப‌ர் 2 ஆ‌ம் தே‌தி நாடு தழு‌விய போரா‌ட்ட‌ம் நட‌த்த‌ப்படு‌ம் எ‌ன்று இடதுசா‌ரிக‌ள், தெலு‌ங்குதேச‌ம், பகுஜ‌ன் சமா‌ஜ் உ‌ள்‌ளி‌ட்ட க‌ட்‌சிக‌ள் உ‌ள்ள மூ‌ன்றாவது அ‌‌‌‌‌ணி அ‌றி‌‌வி‌த்து‌ள்ளது.

இ‌ந்‌நிலை‌யி‌ல், தலைநக‌ர் டெ‌ல்‌லி‌யி‌‌ல் இ‌ன்று செ‌ய்‌தியாள‌ர்களை‌ச் ச‌ந்‌தி‌த்த பெ‌ட்ரோ‌லிய அமை‌ச்ச‌ர் முர‌ளி ‌தியோரா, "க‌ச்சா எ‌ண்ணெ‌ய் ‌விலை குறை‌ந்து வரு‌கிறது. நா‌ங்க‌ள் க‌ண்டி‌ப்பாக எ‌ரிபொரு‌ட்க‌ளி‌ன் ‌விலைகளை‌க் குறை‌க்க வே‌ண்டு‌ம். ஆனா‌ல் 6 மா‌நில‌ங்க‌ளி‌ல் ச‌ட்ட‌ப் பேரவை‌த் தே‌ர்த‌ல்க‌ள் நட‌ந்து வருவதா‌ல் தே‌ர்த‌ல் நட‌த்தை ‌வி‌திகளை‌க் கரு‌தி டிச‌ம்ப‌ர் 24 ஆ‌ம் தே‌தி‌‌க்கு மு‌ன்பு நா‌ங்க‌ள் முடிவெடு‌க்க முடியாது." எ‌ன்றா‌ர்.

பாலின் தன்மை அறிய புதிய முறை!

பால்
மற்றும் பால் உற்பத்திப் பொருட்களில் புரோட்டீன் சத்து பற்றி அறியவும்,
பாலில் நச்சுத் தன்மை உள்ளதா, இல்லையா? என்பதை அறிந்து கொள்ளவும் சீனாவின்
வேளாண் அமைச்சகம் புதிய சோதனை முறையை கண்டறிந்துள்ளது.

மிலமைன் போன்ற நச்சுத் தன்மை கொண்ட இரசாயனப் பொருட்கள் ஏதேனும் பாலில் கல்ந்துள்ளதா? என்பதை அறிய இந்த சோதனை முறை உதவுகிறது.

புரோட்டீன்
சத்தினை அறிந்து கொள்வதற்கான இந்த சோதனையில், புரோட்டீன் வெளியாகி விடும்
என்பதால், நச்சுத்தன்மை பற்றி மட்டும் அறிந்து கொள்ளவே புதிய முறை உதவும்
என்று சீனா வெளியிட்ட தகவல் தெரிவிக்கிறது.

சீனா முழுவதும் உள்ள உணவு உற்பத்தியாளர்கள் மற்றும் பால் ஒருங்கிணைப்பாளர்களுக்கு இந்த புதிய முறை பரிந்துரைக்கப்பட்டுள்ளது.

இந்த
முறை மூலம் மிலமைன் மற்றும் நைட்ரஜன் கொண்ட நச்சுப் பொருட்கள் தனியே
பிரித்தெடுக்கப்படும் என்பதால் இந்த முறை பரிந்துரைக்கப்படுவதாக சீன உணவு
பரிசோதனை நிபுணர்கள் தெரிவித்துள்ளனர்.

இமாலயப் பனிமலைகளில் பனி வற்றி வருகின்றன!

இமாலயத்தில் உள்ள 3 முக்கியப் பனிமலைகளை குடைந்து பார்த்த போது அதில் பனி தொடர்ந்து இருப்பதற்கான கதிர்வீச்சு சமிக்ஞைகள் இல்லை என்பது கண்டுபிடிக்கப்பட்டுள்ளது.

அதாவது தற்பொழுது ஏற்பட்டுவரும் தட்பவெப்ப மாற்றங்களால் அங்கு பனி சேருவதில்லை என்று கண்டுபிடிக்கப்பட்டுள்ளது.

இந்த நிலை தொடர்ந்தால், குறைந்தது அரை பில்லியன் (50 கோடி) இந்தியர்கள் ஒரு காலத்தில் குடிநீர் இல்லாமல் திண்டாட வேண்டி வரலாம் என்று ஆய்வாளர்கள் தெரிவித்துள்ளனர்.

இல்லாமல் போன அந்தக் கதிர்வீச்சு அரை நூற்றாண்டுக்கு முன்னர் நடத்தப்பட்ட அணு குண்டு சோதனையின் விளைவாய் ஏற்படுவது என்று ஆய்வாளர்கள் தெரிவித்துள்ளனர்.

திபெத்தில் உள்ள நைமோனான்யி போன்ற பனிமலைகளால்தான் சிந்து, கங்கை, பிரம்மபுத்திரா போன்ற நதிகள் வற்றாத ஜீவ நதிகளாக இருந்து வருகின்றன.

இதே நதிகள், சில இடங்களில், சில மாதங்களில் தண்ணீர் இல்லாமல் வற்றியிருப்பதன் காரணமும் இதுவாக இருக்கலாம் என்று அஞ்சப்படுகிறது.


[Caption]இந்த நிலையில்
பனிமலைகளில் புதிதாக பனி உருவாவதில்லை என்பது பிரச்சனைகளை மேலும்
மோசமாக்கலாம் என்று ஆய்வாளர்கள் கவலை தெரிவித்துள்ளனர்.

அமெரிக்காவின்
ஒஹையோ பல்கலைக் கழக புவியியல் விஞ்ஞானி லோன்னி தாம்சன், சுமார் 6,050 மீ.
உயரமுள்ள பிற பனிமலைகளிலும் இதே நிலை இருந்து வர வாய்ப்பிருக்கிறது என்று
கூறியுள்ளார்.

இமாலயம் போல் ஆப்பிரிக்கா, தென் அமெரிக்காவில் உள்ள அதி உயர பனிமலைகளிலும் பனி வற்றி வருவதாக இந்த ஆய்வு கூறுகிறது.

போரை ந‌ிறு‌த்த வ‌லியுறு‌த்‌தி 25இ‌ல் முழு அடைப்பு: அனைத்துக்கட்சி கூட்டத்தில் முடிவு!

இல‌ங்கை‌யி‌‌ல் நடைபெ‌று‌ம் போரை நிறுத்த மத்திய அரசு, அ‌ந்நா‌ட்டை வற்புறுத்த வ‌லியுறு‌த்‌தி
வரு‌ம் 25ஆ‌ம் தே‌தி த‌மிழக‌ம் முழுவது‌ம்
முழு அடை‌ப்பு நட‌த்த ச‌ெ‌ன்னை‌யி‌ல்
இ‌ன்று ந‌ட‌ந்த அனை‌த்து‌க் க‌ட்‌சி
கூ‌டட‌த்‌தி‌ல் முடிவு
செ‌ய்ய‌ப்‌ப‌ட்டு‌ள்ளது.

இலங்கையில்
போர் நிறுத்தம் கிடையாது என்று அந்நாட்டு அதிபர் ராஜபக்சே திட்டவட்டமாக
அறிவித்துள்ளதையடுத்து, அடுத்தகட்ட நடவடிக்கை குறித்து
ஆலோ‌சி‌க்க இ‌ந்‌‌திய
க‌ம்யூ‌னி‌‌ஸ்‌ட் க‌ட்‌சி
சா‌ர்‌பி‌ல் அனைத்து கட்சி கூட்ட‌ம் சென்னை தி.நகரில்
உள்ள ஒரு ஓட்டலில் இ‌ன்று நட‌ந்தது.

இ‌ந்த
கூட்டத்தில் இந்திய கம்யூனிஸ்டு, பா.ம.க., ம.தி.மு.க., அ‌கில
இ‌ந்‌திய சமத்துவ மக்கள் கட்சி, புதிய தமிழகம் உ‌ள்பட
பல்வேறு கட்சிகளும், அமைப்புகளும் கலந்து கொண்டன.

இ‌ன்று
காலை 11ம‌ணியள‌வி‌ல் கூட்டம் தொடங்கியதும்
‌சி‌றில‌ங்க ராணுவ‌த்‌தி‌ன்
க‌ண்மூடி‌த்தனமாக தாக்குதலுக்கு உ‌ள்ளா‌கி பலியான
அ‌ப்பா‌வி‌த் தமிழர்களுக்கு இரங்கல் தெரிவித்து மவுன
அஞ்சலி செலுத்தப்பட்டது.

‌பி‌ன்ன‌ர்,
கூட்டம் முடிந்தது‌‌ம்
செ‌ய்‌தியாள‌ர்க‌ளிட‌ம் பே‌சிய
இ‌ந்‌திய க‌ம்யூ‌னி‌ஸ்‌ட்
க‌ட்‌சி‌யி‌ன் மா‌‌நில செயல‌ர்
தா.பாண்டியன் கூறுகை‌யி‌ல், இலங்கையில் போரை உடனடியாக நிறுத்த
வேண்டும் என்று ஒருவரி தீர்மானம் நிறைவேற்றி இருக்கிறோம்
‌எ‌ன்றா‌ர்.

போரை
நிறுத்த மத்திய அரசு இலங்கையை வற்புறுத்த வேண்டு‌ம் எ‌ன்று
வ‌லியுறு‌த்‌தி வரு‌ம் 25ஆ‌ம் தேதி
தமிழ‌க‌த்‌தி‌ல் முழு அடைப்பு நடத்த முடிவு
செய்யப்பட்டுள்ளது எ‌ன்று‌ம் அவ‌ர் கூ‌றினா‌ர்.

மேலு‌ம்
அ‌‌ன்றை ‌தின‌ம் பேரு‌ந்து,
ர‌யி‌ல்க‌ள் ஓடாது. கடைகள் அடைக்கப்படும். அனைத்து
நிறுவனங்களும் இயங்காது எ‌ன்று கூ‌‌றிய அவ‌ர், இதற்கு
மக்கள் ஒத்துழைப்பு அளிக்க வேண்டும் எ‌ன்று
கே‌ட்டு‌க்கொ‌ண்டா‌ர்.

இ‌ந்‌திய
க‌ம்யூனி‌ஸ்‌ட் க‌ட்‌சி
சா‌ர்‌பி‌ல் நட‌த்த‌ப்ப‌ட்ட இந்த‌க்
கூட்டத்தில் தி.மு.க., அ.இ.அ.தி.மு.க., காங்கிரஸ், மார்க்சிஸ்‌ட் கம்யூனிஸ்‌ட், பாரதீய ஜனதா, தே.மு.தி.க., ஆகிய முக்கிய கட்சிகள் ப‌ங்கே‌ற்க‌வி‌ல்லை.

செயற்கைக்கோள் ஏவ யுஏஈ ஆயத்தம்!

ஐக்கிய அரபு குடியரசு தனது முதலாவது செயற்கைக்கோளை அடுத்த 6 மாதத்தில் ஏவ திட்டமிட்டுள்ளது.

மாறிவரும்
பூகோள மாற்றத்திற்கு ஏற்ப தங்களது அடிப்படை புவி ஆதாரங்களை ஆய்வு
செய்வதற்காக சுமார் மில்லியன் டாலர் மதிப்பில் இந்த செயற்கைக்கோள்
தயாரிக்கப்பட்டு வருவதாக ஐக்கிய அரசு குடியரசின் விண்வெளி தொழில்நுட்ப
அமைப்பின் திட்ட மேலாளர்கள் அபுதாபியில் நேற்று தெரிவித்தனர்.

கஜகஸ்தானில் உள்ள பைகோனூரில் இருந்து இந்த செயற்கைக்கோளை ஏவுவதற்கான நடவடிக்கைகள் எடுக்கப்பட்டு வருவதாகவும் அவர்கள் கூறினர்.

கடந்த
ஜூலை மாதமே இந்த செயற்கைக்கொள் தயாராகி இருக்க வேண்டும். ஆனால், பல்வேறு
காரணங்களினால் அது தள்ளிப் போனதாகவும் அவர்கள் தெரிவித்தனர்.

சர்வதேச விண்வெளி மையத்துடன் இணைந்தது என்டோவர்!

அமெரிக்காவின்
கென்னடி ஏவுதளத்தில் இருந்து கடந்த வெள்ளியன்று விண்ணில் ஏவப்பட்ட
எண்டோவர் விண்கலம், சர்வதேச விண்வெளி மையத்துடன் இன்று அதிகாலை
வெற்றிகரமாக இணைந்தது.

இந்திய
நேரப்படி அதிகாலை 3.31 மணிக்கு (திட்டமிட்டதை விட 3 நிமிடங்கள் முன்பாக)
விண்வெளியில் உள்ள மிதக்கும் ஆய்வுக்கூடத்துடன் என்டோவர் இணைந்ததாக நாசா
தொலைக்காட்சியில் தெரிவிக்கப்பட்டது.

என்டோவர்
விண்கலத்தில் சென்ற 7 விண்வெளி வீரர்களும், இணைப்பு பாதை வழியாக மிதக்கும்
ஆய்வுக்கூடத்துக்குள் நுழைந்தனர். ஏற்கனவே விண்வெளி ஆய்வு மையத்தில்
தங்கியிருந்த வீரர்கள், அவர்களை கட்டித்தழுவி வரவேற்றனர்.

விண்வெளி
மையத்துடன் இணைக்கப்படுவதற்கு முன்னதாக, என்டோவர் கமாண்டர் கிரிஸ்
ஃபெர்குஸன் விண்கலத்தை குட்டிக்கரணம் அடிக்கச் செய்தார். அப்போது
விண்கலத்தின் அடிப்பகுதியில் உள்ள வெப்பத் தடுப்புத் தகடுகள் பல இடங்களில்
பெயர்ந்திருந்தது தெரியவந்தது.

இதன்
காரணமாக என்டோவர் மீண்டும் பூமிக்குத் திரும்பும் போது வெப்பம் அதிகரித்து
வெடித்துச் சிதறலாம் என கூறப்பட்டாலும் நாசா அதனை மறுத்துள்ளது.
பூமிக்குத் திரும்பும் முன்பாக விண்வெளி வீரர்கள் வெப்பத் தகடுகளை
சீரமைத்து விடுவர் எனபதால் தரையிறங்கும் போது ஆபத்து ஏதும் ஏற்படாது என
நாசா விஞ்ஞானிகள் தெரிவித்துள்ளனர்.

சுமார்
ஒருவார காலத்திற்கும் அதிகமாக விண்வெளியில் தங்கும் வீரர்கள், மிதக்கும்
ஆய்வுக் கூடத்திற்கு தேவையான உபகரணங்களை சீரமைப்பது, பொருத்துவது உள்ளிட்ட
பணிகளுக்கு 4 முறை விண்வெளியில் நடைபயணம் மேற்கொள்ள உள்ளனர்.

இந்த விண்கலத்தில் சென்றுள்ள வீராங்கனை சாண்ட்ரா மாக்னஸ், விண்வெளி ஆய்வுக் கூடத்திலேயே தங்கி விடுவார். அவருக்கு
பதிலாக ஏற்கனவே விண்வெளி மையத்தில் தங்கியிருந்த மற்றொரு வீரர் என்டோவரில்
பூமிக்குத் திரும்புவார் எனத் தெரிவிக்கபட்டுள்ளது.

மாங்குளம் கைப்பற்றப்பட்டதாக சிறிலங்க ராணுவம் அறிவிப்பு

விடுதலைப் புலிகளின் கட்டுப்பாட்டில் இருந்து வ‌ந்த மாங்குளம், பணிச்சங்கேணி பகுதிகளை சிறிலங்க ராணுவம் கைப்பற்றியுள்ளதாக சிறிலங்க பாதுகாப்பு அமைச்சகம் தெரிவித்துள்ளது!

இதுகுறித்து
சிறிலங்க பாதுகாப்பு அமைச்சகப் பேச்சாளர் கேகலிய ரம்புக்வெல கூறுகையில்,
கடந்த 48 மணி நேரத்திற்கும் மேலாக விடுதலைப் புலிகளுடன் நடந்த கடும்
மோதலிற்குப் பிறகு ஏ-9 முக்கிய சாலை வழியாக ராணுவத்தினர் மாங்குளம்
பகுதியை கைப்பற்றியுள்ளதாகவும், ஒட்டிச்சுட்டான் பகுதிக்கு செல்லும் சாலை
துண்டிக்கப்பட்டுள்ளதாகவும் கூறியுள்ளார்.

மாங்குளம்
கைப்பற்றப்பட்டுள்ளதையடுத்து விடுதலைப் புலிகளுக்கான முக்கிய வழங்கல் பாதை
தடைபட்டுள்ளதாகவும் அமைச்சர் கேகலிய ரம்புக்வெல கூறியுள்ளார்.

இதற்கிடையே, முல்லைத்தீவு மாவட்டத்தில் உள்ள கு‌மிழமுனை கிராமத்தை ராணுவத்தினர் கைப்பற்றியுள்ளதாக ராணுவ பேச்சாளர் உதய நாணயக்கார தெரிவித்துள்ளார்.

எ‌ஸ்.எ‌ஸ்.எ‌ல்.‌சி. ம‌தி‌ப்பெ‌ண் சா‌ன்‌றித‌ழ் பெற இறு‌தி வா‌ய்‌ப்பு

2006 செப்டம்பர்
மாதம் வரை எஸ்.எஸ்.எல்.சி. மற்றும் 8-ம் வகுப்பு பொதுத் தேர்வு எழுதிய
தனித் தேர்வர்களுக்கு, மதிப்பெண் சான்றிதழ் பெற இறுதி வாய்ப்பு
அளிக்கப்பட்டு இருக்கிறது.

இதுகுறித்து அரசுத் தேர்வுகள் கடலூர் மண்டலத் துணை இயக்குநர் மு.மனோகரன் சனிக்கிழமை வெளியிட்ட செய்திக் குறிப்பு:

2004-ம்
ஆண்டு ஏப்ரல் முதல் 2006 செப்டம்பர் வரை நடைபெற்ற எஸ்.எஸ்.எல்.சி. தேர்வு
எழுதிய தனித் தேர்வர்கள், 2005 டிசம்பர் வரை 8-ஆம் வகுப்பு பொதுத் தேர்வு
எழுதிய தனித் தேர்வர்கள் ஆகியோரின் மதிப்பெண் சான்றிதழ்கள் அழிக்கப்பட
இருக்கிறது.

எனவே
மேற்கண்ட காலத்தில் தேர்வு எழுதியவர்கள் மதிப்பெண் சான்றிதழ்களைப் பெறாமல்
இருந்தால், தங்கள் பெயர், பிறந்த தேதி, தேர்வு எழுதிய பதிவு எண், மாதம்,
ஆண்டு, தேர்வு மையத்தின் பெயர், தேர்வு எழுதிய பாடங்கள் உள்ளிட்ட
விவரங்கள் அடங்கிய மனுவுடன் வீட்டு முகவரியை எழுதி, ரூ.30-க்குத் தபால்
தலை ஒட்டிய உறையுடன் இணைத்து, கடலூர் புதுப்பாளையம் அரசுத் தேர்வுகள்
மண்டலத் துணை இயக்குநர் அலுவலகத்துக்கு விண்ணப்பிக்க வேண்டும்.

27-ம்
தேதிக்குள் மனுக்களை அனுப்பி, சான்றிதழ்களைப் பெற்றுக் கொள்ளலாம். மேற்படி
தேதிக்குள் விண்ணப்பிக்காதவர்களின் சான்றிதழ்கள் தீயிட்டு அழிக்கப்படும்
என்று அ‌ந்த‌ச் செய்திக் குறிப்பு தெரிவிக்கிறது.

2012-ல் சந்திரயான்-2 செலுத்தப்படும்: இஸ்ரோ!

நிலவை
ஆய்வு செய்வதற்காக சந்திரயான் - ஒன்று அனுப்பப்பட்டு வெற்றிகரமாக
செயல்பட்டு வரும் நிலையில், அடுத்ததாக சந்திரயான் - இரண்டு செயற்கைக்கோள்
2012ஆம் ஆண்டில் அனுப்பப்படும் என்று இந்திய விண்வெளி ஆய்வுக் கழகம் -
இஸ்ரோ தெரிவித்துள்ளது.

இரண்டாவது சந்திரயான் செயற்கைக்கோளும் ஆளில்லாமலே செலுத்தப்படும் என்று இஸ்ரோ தலைவர் டாக்டர் மாதவன் நாயர் தெரிவித்துள்ளார்.

இந்த
செயற்கைக்கோள் மூலம் நிலவில் ரோபோட் ஒன்று அனுப்பி வைக்கப்படும் என்று
கூறிய அவர், அந்த ரோபோட் நிலவில் இருந்து மாதிரி துகள்களை எடுத்து, ஆய்வு
செய்து அதுபற்றிய தகவல்களை பூமிக்கு அனுப்பும் வகையில் வடிவமைக்கப்படும்
என்றார்.

இதற்கிடையே
சந்திரயான் - ஒன்று செயற்கைக்கோள் இன்றிரவு தனது முக்கிய தகவலை
பெங்களூருவில் உள்ள தரைக்கட்டுப்பாட்டு மையத்திற்கு அனுப்பி வைக்கும் எனறு
எதிர்பார்க்கப்படுகிறது.

நில‌வி‌ல் தே‌சிய‌க்கொடி: ‌வி‌ஞ்ஞா‌னிக‌ள், தலைவ‌ர்க‌ள் வா‌ழ்‌த்து!

நில‌வி‌ல் தே‌சிய‌க் கொடியை‌ப் பற‌க்க‌வி‌ட்டு‌ள்ள இ‌ந்‌திய ‌வி‌ண்வெ‌ளி ஆரா‌ய்‌ச்‌சி மைய‌‌த்‌தி‌ன் (இ‌ஸ்ரோ) சாதனை‌க்கு‌ப் ப‌ல்வேறு ‌வி‌ஞ்ஞா‌னிகளு‌ம் தலைவ‌ர்களு‌ம், த‌ங்க‌ளி‌ன் வா‌ழ்‌த்து‌க்களை‌த் தெ‌ரி‌வி‌த்து உ‌‌ள்ளன‌ர்.

ச‌ந்‌திரயா‌ன்-1 ‌வி‌ண்கல‌த்‌தி‌ல் இரு‌ந்து ‌பி‌ரி‌ந்து செ‌‌ன்ற மூ‌ன் இ‌ம்பா‌க்‌ட் புரோ‌‌ப் (Moon Impact Probe) கரு‌வி வெ‌ள்‌ளி‌க்‌கிழமை இரவு 8.31 ம‌ணிள‌வி‌ல் ‌நில‌வி‌ன் தெ‌ன் துருவ‌த்‌தி‌ன் மே‌ற்பகு‌தி‌யி‌ல் மோ‌தியதுட‌ன், தே‌சிய‌க் கொடியையு‌ம் பற‌க்க‌வி‌ட்டது.

வரலா‌ற்று‌ச் ‌சிற‌ப்பு‌மி‌க்க இ‌ந்த ‌நிக‌ழ்வு கு‌றி‌த்து‌த் தனது வா‌ழ்‌த்தை‌த் தெ‌ரி‌வி‌த்து‌ள்ள நமது நா‌ட்டி‌ன் முத‌ல் ‌வி‌‌ண்வெ‌ளி ‌வீர‌ர் ராகே‌ஷ் ச‌ர்மா, ‌பிற நாடுக‌ளி‌ன் சாதனைகளை ஒ‌ப்‌பி‌ட்டா‌ல் நா‌ம் இ‌ன்னு‌ம் ‌நிறைய தூர‌ம் செ‌ல்ல வே‌‌ண்டி‌யிரு‌க்‌கிறது எ‌ன்று கு‌றி‌ப்‌பி‌ட்டா‌ர்.

பெ‌ங்களூரு‌வி‌ல் இ‌ஸ்ரோ மைய‌த்‌தி‌‌ற்கு நே‌ரி‌ல் செ‌ன்று ச‌ந்‌திரயா‌ன்-1 இ‌ன் செய‌ல்பாடுகளை‌க் க‌ண்ட‌றி‌ந்த மு‌ன்னா‌ள் குடியரசு‌த் தலைவரு‌ம் ஏவுகணை ‌வி‌ஞ்ஞா‌னியுமான டா‌க்ட‌ர் ஏ.‌பி.ஜே. அ‌ப்து‌ல்கலா‌ம், ‌நில‌வி‌ன் மே‌ற்பர‌ப்‌பி‌ல் மூ‌ன் இ‌‌ம்பா‌க்‌ட் புரோ‌ப் கரு‌வி மோ‌தி‌யிரு‌ப்பது இ‌ஸ்ரோ‌வி‌ன் தொ‌ழி‌ல்நு‌ட்ப‌ச் ‌சிற‌ப்பையு‌ம் படை‌ப்பு‌த் ‌திறனையு‌ம் கா‌ட்டு‌கிறது எ‌ன்றா‌ர்.

கா‌ங்‌கிர‌ஸ் தலைவ‌ர் சோ‌‌னியா கா‌ந்‌தி கூறுகை‌யி‌ல், "இ‌ந்த‌த் தருண‌ம் இ‌ந்‌தியா‌வி‌ன் வரலா‌ற்‌றி‌ல் மு‌க்‌கியமானது. உலகர‌ங்‌கி‌ல் இ‌ந்‌‌தியாவை மு‌ன்னெடு‌த்து‌ச் செ‌ல்லு‌ம் நமது ‌வி‌ஞ்ஞா‌னிக‌‌ள் சமூக‌த்‌தி‌ற்கு அவ‌ர்க‌ளி‌ன் அள‌ப்ப‌ரிய முய‌ற்‌சிகளு‌க்காக ம‌ரியாதை செலு‌த்துவோ‌ம்" எ‌ன்றா‌ர்.

பா.ஜ.க.‌வி‌ன் மூ‌த்த தலைவ‌ர் எ‌ல்.கே. அ‌த்வா‌னி கூறுகை‌யி‌‌ல், "இது உ‌ண்மை‌யிலேயே இ‌ந்‌தியா‌வி‌ன் வரலா‌‌ற்று மு‌க்‌கிய‌த்துவ‌ம் வா‌ய்‌ந்த நா‌ள். இ‌ந்த நா‌ள் பொ‌ன் எழு‌த்து‌க்களா‌ல் பொ‌‌றி‌க்க‌ப்பட வே‌ண்டு‌ம். ‌நில‌ம், ‌நீ‌ர், ஆகாய‌ம் என எ‌ல்லா இட‌ங்க‌ளிலு‌ம் நமது அ‌றி‌வியலு‌ம் தொ‌ழி‌ல்நு‌ட்பமு‌ம் சா‌தி‌க்க வே‌ண்டு‌ம்" எ‌ன்றா‌ர்.

ஜடுகுடாவில் அணுக் கதிர்வீச்சு உள்ளது!பன்னாட்டு அமைப்பு எச்சரிக்கை!

ஜார்க்கண்ட்
மாநிலம் ஜடுகுடாவில் உள்ள யுரேனிய சுரங்கத்தில் இருந்து அணுக் கதிர்
வீச்சு வெளியேறிவருவதாக அங்கு சோதனை நடத்திய பன்னாட்டு அமைப்பு
எச்சரித்துள்ளது.

நமது
நாட்டின் அணு மின் உலைகளுக்குத் தேவையான யுரேனியம் தாதுப் பொருள் வளம்
உள்ள இடங்களில் ஜடுகுடாவும் ஒன்று. மண்ணோடு கலந்துள்ள யுரேனியத் தாதுவை
தோண்டி எடுக்க ஒரு சுரங்கம் அமைத்துள்ளது இந்திய யுரேனியக் கழகம் (Uranium Corporation of India limited - UCIL).

இந்த இடத்திற்கு வந்து சோதனை நடத்திய அணு ஆயுத தடுப்பிற்கான பன்னாட்டு மருத்துவர்கள் (International Physician for Prevention of Nuclear Weapon - IPPNW) என்றழைக்கப்படும்
தன்னார்வ அமைப்பு, ஜடுகுடா சுரங்கத்தில் இருந்து தோண்டியெடுக்கப்பட்ட
மண்ணில் இருந்து யுரேனியம் பிரித்தெடுக்கப்பட்ட மண்ணும், மற்ற கனிமங்களும்
அங்குப் பரவிக் கிடப்பதாகவும், அதில் கலந்துள்ள யுரேனிய துகள்களில்
இருந்து கதிர் வீச்சு பரவி வருகிறது என்றும் கூறியுள்ளது.

யுரேனியச்
சுரங்கத்திற்கு அருகிலேயே மக்கள் வசித்துவருவதால் கதிர் வீச்சு அவர்களைப்
பாதிக்கும் சாத்தியமுள்ளதென அந்த அமைப்பின் துணைத் தலைவரான பேராசிரியர்
டில்மான் ஆல்ஃபிரட் கூறியுள்ளார். இந்த அமைப்பு தனது பணிகளுக்காக நோபல்
அமைதிப் பரிசு பெற்றுள்ளதென்பது குறிப்பிடத்தக்கது.

அணு
ஆயுதங்களை ஒழிக்க வேண்டும் என்று வலியுறுத்தும் ஐ கேன் என்ற ஒரு
பிரச்சாரத் திட்டத்திற்காக இந்தியா வந்துள்ள டில்மான், ஜடுகுடா யுரேனியச்
சுரங்கத்தில் பணியாற்றிவரும் 3,000 பணியாளர்களுக்கு கதிர் வீச்சின் அளவை
அறியும் கருவிகள் அளிக்கப்படவில்லை என்றும், யுரேனியக் கதிர் வீச்சு
அங்குள்ள மணற் பகுதி முழுவதும் பரவியுள்ளது என்றும் எச்சரித்துள்ளார்
என்று யு.என்.ஐ. செய்தி கூறுகிறது.

வெட்கித் தலைகுனி!

என் நெஞ்சு எரிகிறது!

அறிஞர் அண்ணா சொன்னது இது. 1968ஆம் ஆண்டு டிசம்பர் மாதம் 25ஆம் தேதி இரவு, தி.மு.க. ஆட்சிப் பொறுப்பேற்று அண்ணா தமிழ்நாட்டின் முதலமைச்சராக இருந்தபோது நடந்த கொடுமை அது.

தஞ்சை தரணியில் கீழ் வெண்மணி கிராமத்தில் கூடுதலாக கூலி கேட்டுப் போராடிய ஒடுக்கப்பட்ட சாதியைச் சேர்ந்த உழைக்கும் மக்களை, அவர்கள் குடிசை வீட்டில் படுத்துத் தூங்கிக்கொண்டிருந்தபோது தீ வைக்கப்பட்டு எரித்துக் கொல்லப்பட்டனர். குழந்தைகள், பெண்கள் உட்பட 44 பேர் எரித்துக் கொல்லப்பட்டனர்.

அந்தச் செய்தி கேட்டு முகம் கருத்து, வெட்கத்தால் நாணி, தலை குனிந்த முதலமைச்சர் அண்ணா கீழ் வெண்மணி நோக்கி புறப்படத் தயாராக இருந்தபோது அவரிடம் ஒரு மூத்த பத்திரிக்கையாளர் அந்நிகழ்வு குறித்து கருத்துக் கேட்டார்.

webdunia photo FILE

வெறுமையுடன் அவரைப் பார்த்த அண்ணா, “எனது ஆட்சியிலா இது நடைபெறுகிறது? என் நெஞ்சு எரிகிறது” என்று கூறினார் என்று அவருக்கு ஏற்பட்ட பாதிப்பை அருகில் இருந்து பார்த்த மூத்த பத்திரிக்கையாளர்கள் கூறியதைக் கேட்டுள்ளோம்.

அந்த நிலைதான் நமது நாட்டு மக்கள் பலருக்கும் இன்று ஏற்பட்டிருக்கும். சென்னை அம்பேத்கர் சட்டக் கல்லூரியில் மாணவர்களுக்கு இடையே நடந்த அந்த மோதலை, கீழே விழுந்து கிடக்கும் மாணவரை நான்கைந்து பேர் கொலை வெறியுடன் கட்டையால் அடிப்பதை, அதற்கு முன்னர் அடிப்பட்டுக் கிடந்த அந்த மாணவர் அடிபடும் தனது சக மாணவரைக் காப்பாற்ற கத்தியை எடுத்துக் கொண்டு பாய்வதை... நாள் முழுவதும் ஒளிபரப்பாகிக் கொண்டிருக்கும் அந்த காட்சிகளை, பத்திரிக்கைகளில் வெளியான அந்தப் புகைப்படங்களை, மருத்துவமனையில் கட்டுடன் சிகிச்சை பெற்றுவரும் அந்த மாணவர்களின் படங்களை பார்‌ப்போர் நெஞ்சமெல்லாம் - அன்றைக்கு முதலமைச்சராக இருந்த அறிஞர் அண்ணாவிற்கு ஏற்பட்டது போலவே - பதறியிருக்கும்.

webdunia photo WD

படிக்கச் சென்ற மாணவர்கள், அதுவும் சட்டம் படிக்கச் சென்ற மாணவர்கள், தாங்கள் அடிக்க வேண்டிய மாணவர்கள் தேர்வு எழுதிவிட்டு வெளியே வருவதற்காக கட்டை, கம்பி, மண் வெட்டி ஆகியவற்றுடன் காத்திருந்த காட்சியைப் பார்த்துக்கொண்டிருந்தது மட்டுமின்றி, இரண்டு மாணவர்களைப் மற்ற பல மாணவர்கள் கொலை வெறியோடு தாக்குவதையும் எவ்வித பதற்றமும் இன்றி பார்த்துக்கொண்டிருந்த காட்சியையும் கண்ணுற்ற மக்களுக்கு உள்ளபடியே நெஞ்சு பற்றி எரிந்திருக்கும்.

ஒரு போர்‌க்களம் போல மாணவர்கள் அடித்துக் கொண்டு சாகிற நிலையிலும், யாருக்கோ வந்த விருந்து போல கவலைப்படாமல் தனது அலுவலகத்தில் உட்கார்ந்திருந்த சட்டக் கல்லூரியின் முதல்வரின் நடத்தை, அவர் என்ன கல்லூரி முதல்வரா அல்லது அடிதடிக் கூட்டத்தின் தலைவரா என்று கேள்வியையும் எழுப்பியிருக்கும்.

webdunia photo WD

பிரச்சனை ஏற்படப்போகிறது என்று தெரிந்தும், ஐம்பதிற்கும் மேற்பட்ட காவலர்களுடன் அங்கிருந்த காவல் அதிகாரி எந்த தடுப்பு நடவடிக்கையும் எடுக்காதது ஏன்? என்று தெரியவில்லை.

தடுப்பு நடவடிக்கை எடுக்காத ஒரு காவல் அதிகாரி அத்தனை காவலர்களுடன் எதற்காக ஒன்றரை மணி நேரத்திற்கு முன்பிருந்தே அங்கு இருந்ததார் என்பதும் புரியவில்லை.

கல்லூரி முதல்வர் புகார் தரும் வரை நடவடிக்கை எதையும் எடுக்கப் போவதில்லை என்று முடிவோடு இருந்த அந்த காவல் அதிகாரி, எதற்காக தனது படையினருடன் அங்கு வந்து காத்திருக்க வேண்டும்? திரைப்படத்தில் கூட இப்படியொரு காட்சியைக் காணாத மக்களுக்கு காவல் துறையினரின் நடவடிக்கை மிகவும் வினோதமாகத் தெரிகிறது.
இதைப்பற்றி பேசிய மற்ற மாணவர்கள், இதையெல்லாம் முன்பே தடுத்திருக்கலாம் என்று கூறியுள்ளனர். எனவே, கல்லூரி நிர்வாகம் முதல் காவல் துறை வரை தடுத்திருக்க வேண்டிய ஒரு நிகழ்வை, நடக்க விட்டுவிட்டு வேடிக்கை பார்த்திருக்கிறார்கள் என்பது புலனாகிறது.

தலைவர்களைக் கேவலப்படுத்திய மாணவர்கள்!

நடந்த வன்முறை நம்மை பதறச் செய்தது என்றால், இந்த நிகழ்வுகளுக்கான காரணம் நம்மை வெட்கித் தலைகுனியச் செய்வதாக உள்ளது.

webdunia photo FILE

இக்கல்லூரி மாணவர்கள் சிலர் பசும்பொன் முத்துராமலிங்கத் தேவரின் ஜெயந்தியை கொண்டாடுவதற்கு அச்சடித்த அழைப்பிதழில், தாங்கள் படிக்கும் கல்லூரியின் பெயரில் உள்ள ‘டாக்டர் அம்பேத்கர்’ பெயரை தவிர்த்திருத்தனராம். அவரது பெயரை ஏன் தவிர்த்தீர்கள் என்று மற்ற சில மாணவர்கள் கேட்க, சாதி ரீதியாக அவர்களுக்குள் புகைச்சல் ஏற்ப்பட்டதாம். அதுவே இந்த அளவிற்கு ஒரு காட்டுமிராண்டித்தனத்திற்கு வித்திட்டுள்ளது என்று கூறுகின்றனர்.

இது ஒன்றும் புதிதல்ல. தமிழ்நாட்டின் பல கிராமங்களில் இன்று நேற்றல்ல, அரை நூற்றாண்டுக் காலமாக நடந்துவரும் மோதல் நாம் அறியாததல்ல. கிராமத்தில் வாழும் மக்களுக்கு படிப்பறிவிருக்காது, சிந்திக்கவும் தெரியாது, சிந்திக்க நேரமும் இருக்காது. ஆனால் மாணவர்களுக்கு? அதுவும் சட்டம் படிக்கவந்த மாணவர்களுக்கு தெரியாதா இவ்விரு தலைவர்களும் யாரென்று? இதுதான் வருத்தமளிக்கும் ஆச்சரியம்.

நமது நாட்டின் சட்ட மேதை, நமது அரசமைப்புச் சட்டத்தை உருவாக்கித் தந்தவர், இன்றளவும் இந்த அளவிற்கு நாம் ஒரு ஜனநாயகத்தைப் பெற்று, கருத்துரிமை சுதந்திரம் பெற்று உலகின் மிகப் பெரிய ஜனநாயக நாடாக திகழ்கிறோம் என்றால் அதற்கு காரணமானவர் பாபா சாஹேப் டாக்டர் அம்பேத்கர் என்பது கூட புரியாதா? தெரியாதா?

webdunia photo FILE

தான் சார்ந்த சமூகம், உடலுழைப்பின் மூலம் சமூக வாழ்விற்கு தனது பங்களிப்பை முழுமையாக செலுத்திய பின்பும் உரிமை மறுக்கப்பட்டு, தீண்டத்தகாதவர்களாக ஒடுக்கப்படுவது ஏன் என்று குரல் எழுப்பி, அதற்காக தன் வாழ் நாள் முழுவதும் போராடி, அவர்களுக்கு சட்ட ரீதியான பாதுகாப்பு அளிக்க வேண்டியதன் அவசியத்தை மற்றத் தலைவர்களுக்கும் புரியவைத்து, இந்திய அரசமைப்புச் சட்டத்திலேயே அவர்களுக்கு பாதுகாப்பை ஏற்படுத்தி, அதன் மூலம் ஜனநாயகத்தை அவர்களும் நுகரச் செய்ய வழி செய்தவரல்லவா அம்பேத்கர்? அவருடைய பெயரை தவிர்ப்பதற்கு சட்டம் பயிலும் மாணவர்களுக்கு எப்படி மனம் வருகிறது?

பசும்பொன் முத்துராமலிங்கத் தேவரின் ஆழமான கருத்தாடல்களை படித்தவர்களா இவர்கள்? அப்படித் தெரியவில்லை. சாதியத்தின் பிடி அந்த அளவி்ற்கு இவர்களுடைய சிந்தனையை கட்டிப்போட்டிருக்கிறது என்றால், இப்படிப்பட்ட மாணவர்கள் எப்படி நாளை நீதிமன்றங்களில் நியாயத்தைப் பெற்றுத் தருவார்கள்? அம்பேத்கரைத் தவிர்த்துவிட்டு இந்த நாட்டில் சட்டம் ஏது? சட்டத்தின் ஆட்சி ஏது?

இந்த இரண்டு தலைவர்களும் ஏதோ சாதியத்திற்காகப் போராடி உயிரைத் துறந்தவர்கள் போலல்வா இருக்கிறது இவர்களின் வெறியும் செயலும். சரி அம்பேத்கர் பெயரைத் தவிர்த்தவர்களை எதிர்த்துப் புறப்பட்ட அந்த மாணவர்கள் யாராவது அவருடைய நூல்களை ஓரளவிற்காவது படித்திருப்பார்களா? படித்திருந்தால் இந்தச் சமூகத்தில் புறையோடிப் போயிருக்கும் இந்த சாதிய அசிங்கத்தை சிந்தனையாலும், ஒருமித்த செயலாலும் துடைத்தெறிய முயன்றிருப்பார்களே? இப்படி கட்டையை தூக்கிக்கொண்டு காத்திருந்து அடிப்பதில் கவனத்தை செலுத்தியிருக்க மாட்டார்களே? இந்தத் தேசத்தின் எதிர்காலத்திற்காக வாழ்ந்த இரண்டு மாபெரும் தலைவர்களை சாதியத் தலைவர்களாக்கி, அவர்களுக்கு பெருமை சேர்ப்பதாக நினைத்துக்கொண்டு சிறுமைபடுத்தும் சில அரசியல், சமூதாய அமைப்புகளைப் போல, மாணவர்களும் நடந்துகொண்டிருப்பது நம்மை வெட்கித் தலை குனியச் செய்கிறது.

விலகுமா இந்த சாதிய மாயை? தெளியுமா நமது சமூக சிந்தனை?

செ‌ன்னை மாநகர‌க் காவ‌ல்துறை ஆணைய‌ர் இடமா‌ற்ற‌ம்!

செ‌ன்னை‌யி‌ல் உ‌ள்ள அ‌ம்பே‌த்க‌ர் ச‌ட்ட‌க் க‌ல்லூ‌ரி மாணவ‌ர்க‌ள் மோதலை‌‌க் காவல‌ர்க‌ள் தடு‌க்காததுட‌ன் அதை‌ வேடி‌க்கை பா‌ர்‌த்த ‌விவகார‌‌ம் தொட‌ர்பாக‌ச் செ‌ன்னை மாநகர‌க் காவ‌ல்துறை ஆணைய‌ர் ஆ‌ர்.சேக‌ர் இடமா‌ற்ற‌ம் செ‌ய்ய‌ப்ப‌ட்டு‌ள்ளா‌ர்.

செ‌ன்னை மாநகர‌க் காவ‌‌ல்துறை‌யி‌ன் பு‌திய ஆணையராக‌த் த‌ற்போது குடிமை‌‌ப் பொரு‌ள் வழ‌ங்குதுறை டி.‌ஜி.‌பி.யாக‌ப் ப‌ணியா‌ற்‌றி வரு‌ம் கே.ராதா‌கிரு‌ஷ்ண‌ன் ‌நிய‌மி‌க்க‌ப்படலா‌மெ‌ன்று செ‌ய்‌திக‌‌ள் தெ‌ரி‌வி‌க்‌கி‌ன்றன.

இது தொட‌ர்பாக ஏ‌ற்கெனவே இர‌ண்டு காவ‌ல் அ‌திகா‌ரிக‌ளு‌ம், ச‌ட்ட‌க் க‌ல்லூ‌ரி முத‌ல்வரு‌ம் ப‌ணி‌யிடை ‌நீ‌க்க‌ம் செ‌ய்ய‌ப்ப‌ட்டு‌ள்ளதுட‌ன், 4 காவ‌‌‌ல் அ‌திகா‌ரிக‌ள் புறநக‌ர்‌ப் பகு‌திகளு‌க்கு இடமா‌ற்ற‌ம் செ‌ய்ய‌ப்ப‌ட்டு‌ள்ளன‌ர் எ‌ன்பது கு‌றி‌ப்‌பிட‌த்த‌க்கது.

செ‌ன்னை‌யி‌ல் உ‌ள்ள அ‌ம்பே‌த்க‌ர் ச‌ட்ட‌க் க‌ல்லூ‌ரி‌யி‌‌ல் இரு ‌பி‌ரிவு மாணவ‌ர்க‌ளு‌க்கு இடை‌யி‌ல் நே‌ற்று நட‌ந்த மோத‌லி‌ல் 3 பே‌ர் படுகாயமடை‌ந்து மரு‌த்துவமனை‌யி‌ல் அனும‌தி‌க்க‌ப்ப‌ட்டு‌ள்ளன‌ர். இ‌ந்த‌ச் ச‌ம்பவ‌த்‌தி‌ன்போது அரு‌கி‌ல் இரு‌ந்த காவல‌‌‌ர்க‌ள் மோதலை‌த் தடு‌க்காம‌ல் வேடி‌க்கை பா‌ர்‌த்த ‌விவகார‌ம் பரபர‌ப்பை ஏ‌ற்படு‌த்‌தியு‌ள்ளது.

இ‌ந்த‌ச் ச‌ம்பவ‌ம் ச‌ட்ட‌ப் பேரவை‌யிலு‌ம் கொ‌ந்த‌ளி‌ப்பை ஏ‌ற்படு‌த்‌தியது.

உறுப்பினர்களின் விவாதத்திற்கு பதிலளித்து பே‌சிய சட்ட‌த்துறை அமைச்சர் துரைமுருகன், இந்த சம்பவம் தொடர்பாக விசாரித்து, ஆரா‌ய்‌ந்து அறிக்கை சம‌ர்‌ப்‌பி‌க்க உயர்நீதிமன்ற ஓய்வு பெற்ற நீதிபதி சண்முகம் தலைமையில் விசாரணை ஆணைய‌ம் அமை‌க்க‌ப்‌ப‌ட்டு‌ள்ளது எ‌ன்றா‌ர்.

மாணவ‌‌ர்க‌ளிடையே நட‌ந்த மோதலை தடுக்க தவறிய கல்லூரி முதல்வர் ஸ்ரீதேவ் ப‌ணி‌யிடை ‌நீ‌க்க‌ம் செ‌ய்ய‌ப்ப‌ட்டு‌ள்ளதாகவு‌ம் அவ‌ர் தெ‌ரி‌வி‌த்தா‌ர்.

மாணவ‌ர்க‌‌ளிடையே நட‌ந்த மோத‌லி‌ன் போது உடனடியாக நடவடிக்கை எடுக்கத் தவறிய காவல் துறை உதவி ஆணையர் நாராயணமூர்த்தி, ஆய்வாளர் சேகர்பாபு ஆகியோர் ‌ப‌ணி‌யிடை ‌நீ‌க்கமு‌ம், 4 உத‌வி ஆ‌ய்வாள‌ர்க‌ள் பணியிட மாற்றமு‌ம் செய்யப்பட்டுள்ளதாகவு‌ம் அமை‌ச்ச‌ர் தெ‌ரி‌வி‌த்தா‌ர்.