3 டி.வி. நிறுவனங்கள் மீது சட்டபூர்வ நடவடிக்கை: தமிழக அரசு!

''அரசு கே‌பிளு‌க்கு சேன‌ல் கொடு‌க்க மறு‌க்கு‌ம் 3 தொலை‌க்கா‌ட்‌சி ‌நிறுவன‌ங்க‌ள் ‌மீது ச‌ட்டபூ‌ர்வ நடவடி‌க்கை மே‌ற்கொ‌ண்டு‌ள்ளது'' எ‌ன்று த‌‌மிழக அரசு தெ‌ரி‌வி‌த்து‌ள்ளது. இது தொட‌ர்பாக த‌மிழக அரசு ‌இ‌ன்று வெ‌ளி‌யி‌ட்டு‌ள்ள செ‌ய்‌தி‌க்கு‌றி‌ப்‌பி‌ல், அரசு கேபிள் டி.வி. கார்ப்பரேஷன் ஏற்கனவே அறிவித்தபடி அய‌‌ல்நாட்டில் இருந்து இறக்குமதி செய்யப்பட்ட சாதனங்களை நிர்மாணித்து தஞ்சையில் கட்டுப்பாட்டு மையத்தை உருவாக்கி அதன் மூலம் வீடுகள் தோறும் கேபிள் இணைப்புகள் வழங்கும் பணி கட‌ந்த ஜூலை 15ஆ‌ம் அன்று தொடங்கப்பட்டு தொடர்ந்து நடைபெற்று வருகிறது. அரசு கேபிள் டி.வி. கார்ப்பரேஷன் தனது வாடிக்கையாளர்களுக்கு 73 தொலைக்காட்சி சேனல்களை வீடு ஒன்றுக்கு நூறு ரூபாய் வீதம் குறைந்த கட்டணத்தில் வழங்கி வருகிறது. சன்குழுமம், சோனி தொலைக்காட்சி மற்றும் ஸ்டார் குழுமம் ஆகியவற்றை சார்ந்த தொலைக்காட்சி சேனல்களைப் பெறுவதற்கான முயற்சிகளை அரசு கேபிள் டி.வி. கார்ப்பரேஷன் தொடர்ந்து எடுத்து வருகிறது என்றாலும், முறைப்படி மற்ற தொலைக்காட்சி சேனல்களிடம் அனுமதியைப் பெற்றதைப்போல இந்த மூன்று நிறுவனங்களிடமிருந்து அனுமதியைப் பெற நேரடிப் பேச்சுவார்த்தை மூலமாகவும், எழுத்து வடிவிலான விண்ணப்பம் மூலமாகவும் நடவடிக்கை மேற்கொண்டும் கூட சன் குழுமம் உள்ளிட்ட இந்த மூன்று நிறுவனங்கள் 'டிராய்' விதிக்கு நேர்மாறாக அரசு கேபிள் டி.வி. கார்ப்பரேஷனுக்கு தமது சேனல்களை வழங்க மறுத்து வருகின்றன. எனவே அந்த மூன்று நிறுவனங்களின் சேனல்களை பெறுவதற்கு மத்திய அரசின் சட்டப்படி அரசு கேபிள் டிவி கார்ப்பரேஷன் நடவடிக்கை மேற்கொண்டுள்ளது எ‌ன்று த‌மிழக அர‌சி‌ன் செ‌ய்‌தி‌க்கு‌றி‌ப்‌பி‌ல் தெ‌ரி‌வி‌க்க‌ப்ப‌ட்டு‌ள்ளது.

ரூ. 34 கோடி வருமான வரி கட்டிய ஷாருக்கான்; மாயாவதி ரூ. 26 கோடி

பிரபல ஹிந்தி நடிகர் ஷாருக்கான் கடந்த நிதியாண்டிற்கான வருமான வரியைத் தாக்கல் செய்ததில், ரூ. 34 கோடி வரி செலுத்தி இருக்கிறார். உத்தரப்பிரதே முதல்வர் மாயாவதி 26 கோடி ரூபாய் வருமான வரி செலுத்தியுள்ளார். அதிகமாக வருமான வரி கட்டிய 200 பேர் பட்டியலை வருமான வரித்துறை வெளியிட்டுள்ளது. அதிக வருமான வரி கட்டுபவர்களில் முதல் 10 பேரில் 5 பேர் மும்பையை சேர்ந்தவர்கள். 2 பேர் டெல்லியை சேர்ந்தவர்கள். நடிகர்களில் ஷாரூக்கான் ரூ.34 கோடியே 19 லட்சம் வருமான வரி செலுத்தி, 13-ஆவது இடத்தைப் பிடித்துள்ளார். உத்தரப் பிரதேச முதல்வர் மாயாவதி ரூ.26 கோடியே 26 லட்சம் கட்டி 18-ஆவது இடத்தில் உள்ளார். இவர் மீது வருமானத்துக்கு அதிகமாக சொத்து குவித்ததாக வழக்கு உள்ளது குறிப்பிடத்தக்கது. நடிகை ஐஸ்வர்யா ராய் தனது கணவர் அபிஷேக்பச்சன், மாமனார் அமிதாப்பச்சன் ஆகியோரை விடவும் அதிக வருமான வரி கட்டியுள்ளார். ஐஸ்வர்யாராய், அபிஷேக்பச்சன் ஆகியோர் தலா ரூ.5 கோடியே 62 லட்ச மும், அமிதாப்பச்சன் ரூ.5 கோடியே 56 லட்சமும், செலுத்தி உள்ளனர். அபிஷேக் பச்சனைவிட ஐஸ்வர்யாராய் ரூ.75 ஆயிரம் அதிகமாக கட்டி உள்ளார். விளையாட்டு வீரர்களில் சச்சின் டெண்டுல்கர், ரூ.8 கோடியே 80 லட்சம் வரி செலுத்தி இருக்கிறார். அவருக்கு 81-ஆவது இடம் கிடைத்து உள்ளது. தொழிலதிபர்களில் அனில்ஜித்சிங் ரூ.31 கோடியே 49 லட்சமும், அம்பானி மனைவி கோகிலா ரூ.4 கோடியே 46 லட்சமும்,. ஆசிம் பிரேம்ஜி ரூ.4 கோடியே 68 லட்சமும் கட்டி உள்ளனர். முன்னணி தொழில் அதிபர் சகோதரர்களான முகேஷ் அம்பானி, அனில் அம்பானி ஆகியோர் முதல் 200 பேர் பட்டியலில் இடம் பெறவில்லை என்பது குறிப்பிடத்தக்கது.